سورة الأنبياء - آیت 9

ثُمَّ صَدَقْنَاهُمُ الْوَعْدَ فَأَنجَيْنَاهُمْ وَمَن نَّشَاءُ وَأَهْلَكْنَا الْمُسْرِفِينَ

ترجمہ عبدالسلام بھٹوی - عبدالسلام بن محمد

پھر ہم نے ان سے وعدہ سچا کردیا تو ہم نے انھیں نجات دی اور اسے بھی جسے ہم چاہتے تھے اور ہم نے حد سے بڑھنے والوں کو ہلاک کردیا۔

تسہیل البیان فی تفسیر القرآن - ام عمران شکیلہ بنت میاں فضل حسین

البتہ یہ بات ہر نبی کو پیش آتی رہی کہ اس کی دعوت پر کچھ لوگوں نے لبیک کہا۔ اور زیادہ قرآن کے مخالف بن گئے۔ پھر ہم نے انبیاء اور مومنین سے جو وعدے کیے تھے یعنی فتح و نصرت کے وہ سب پورے کر دیے اور ایسے لوگوں کو ہم نے بروقت عذاب سے بچا بھی لیا تھا لیکن جن لوگوں نے سرکشی کی راہ اختیار کی تھی ان سب کو ہلاک کر ڈالا۔ یہ بات بھی تم اے قریش مکہ، اہل کتاب سے پوچھ سکتے ہو۔