سورة طه - آیت 126

قَالَ كَذَٰلِكَ أَتَتْكَ آيَاتُنَا فَنَسِيتَهَا ۖ وَكَذَٰلِكَ الْيَوْمَ تُنسَىٰ

وہ فرمائے گا اسی طرح تیرے پاس ہماری آیات آئیں تو تو انھیں بھول گیا اور اسی طرح آج تو بھلایا جائے گا۔

اللہ تعالیٰ جواب یہ دیں گے کہ ہم اسی طرح لوگوں کو ان اعمال کا اس سے ملتا جلتا ہی ممثل صورت بدلہ دیاکرتے ہیں۔ جو حدود الٰہی کی پرواہ نہیں کرتے، اللہ کی آیتوں کو جھٹلاتے ہیں۔ یہ سزا تو وہ ہے جو تمھیں اعمال کے مطابق اس میدان محشر میں دی جا رہی ہے اورجوعذاب تمھیں ابھی مزید دیاجانے والا ہے۔ وہ اس سے سخت تر بھی ہوگا اور ہمیشہ باقی رہنے والا بھی، جو کبھی ختم نہ ہوگا۔