سورة طه - آیت 57

قَالَ أَجِئْتَنَا لِتُخْرِجَنَا مِنْ أَرْضِنَا بِسِحْرِكَ يَا مُوسَىٰ

کہا کیا تو ہمارے پاس اس لیے آیا ہے کہ ہمیں ہماری سر زمین سے اپنے جادو کے ذریعے نکال دے اے موسیٰ !

جب فرعون کو واضح دلائل کے ساتھ وہ معجزات بھی دکھلائے جو عصا اور ید بیضا کی صورت میں حضرت موسیٰ علیہ السلام کو عطا کیے گئے تھے تو فرعون نے اسے جادو کا کرتب سمجھا اور کہنے لگا اچھا تو ہمیں اس جادو کے زور سے ہماری زمین سے نکالنا چاہتا ہے؟ تو تو مغرور نہ ہو جا ہم بھی ایسے جادو سے تیرا مقابلہ کر سکتے ہیں ہم بھی ایک مقرر دن اور وقت پر اس جگہ آجائیں اور تو بھی ایسا نہ ہو کہ کوئی نہ آئے۔