سورة مريم - آیت 40

إِنَّا نَحْنُ نَرِثُ الْأَرْضَ وَمَنْ عَلَيْهَا وَإِلَيْنَا يُرْجَعُونَ

بے شک ہم، ہم ہی زمین کے وارث ہوں گے اور ان کے بھی جو اس پر ہیں اور وہ ہماری ہی طرف لوٹائے جائیں گے۔

یعنی اس دن نہ کسی کا مُلک باقی رہے گا نہ مِلک باقی رہے گی۔ ہر چیز براہ راست مالک حقیقی کی طرف لوٹ جائے گی وہی علی الاطلاق ہر چیز کا مالک و مختار ہوگا۔ وہی ہر چیز کا وارث ہوگا مُلک و مِلک کے دعوے دار وہاں خالی ہاتھ اللہ کے سامنے پیش ہوں گے۔