’’حَنَانًا‘‘ سے مراد مہربانی، شفقت او رمحبت کی وہ قسم ہے جو ماں کو اپنے بچہ سے ہوتی ہے۔ یعنی سیدنا یحییٰ علیہ السلام لوگوں کے حق میں اس قدر ہمدرد، غمگسار اور نرم دل تھے۔ جیسے ماں اپنی اولاد کے حق میں ہوتی ہے آپ پاکیزہ اخلاق کے مالک اور ہر وقت اللہ سے ڈرتے رہتے تھے۔ تفسیر طبری میں ہے کہ آپ ہر قسم کے ظاہری میل کچیل سے، ہر گناہ اور معصیت سے بچے ہوئے تھے صرف نیک اعمال آپ کی عمر کا خلاصہ تھا آپ گناہوں سے اور اللہ کی نافرمانیوں سے یکسو تھے۔