سورة الإسراء

وَيَخِرُّونَ لِلْأَذْقَانِ يَبْكُونَ وَيَزِيدُهُمْ خُشُوعًا ۩

اور وہ ٹھوڑیوں کے بل گر جاتے ہیں، روتے ہیں اور وہ (قرآن) انھیں عاجزی میں زیادہ کردیتا ہے۔

ٹھوڑیوں کے بل سجدہ میں گرنے کا دوبار ذکر کیا، کیونکہ پہلا سجدہ تعظیم الٰہی کے لیے بطور شکریہ کے تھا۔ اور جب ان کے سامنے قرآن کی آیات پڑھی جاتیں تو وہ اس کی اثر انگیزی کی وجہ سے روتے روتے سجدہ میں گر پڑتے۔ قرآن کی ایک ایک آیت ان کے ایمان میں اضافہ، پختگی اور اللہ کے حضور خشوع کا سبب بن جاتی ہے۔ ایسے ہی لوگوں کی مطابقت میں علماء نے اس آیت پر سجدہ واجب قرار دیا ہے۔