ان کے معبود نہ تو بارش برسانے پر قادر ہیں اور نہ زمین سے غلے اور پھلدار درخت پیدا کرنے پر، نہ ہی وہ یہ بتاسکتے ہیں کہ زمین میں کون کون سے خزانے موجود ہیں اور وہ کون کون سے مقامات پر موجود ہیں نہ وہ ان باتوں پر آج قدرت رکھتے ہیں اور نہ آئندہ کبھی قادر ہوسکیں گے ۔ یعنی تمہاری زندگی اور تمہاری نوع کی بقا کے اسباب تو صر ف اللہ مہیا کرے اور اس کی بندگی میں تم اوروں کو بھی شریک بنالو یہ کس قدر نا انصافی ہے۔