وَإِنَّ لَكُمْ فِي الْأَنْعَامِ لَعِبْرَةً ۖ نُّسْقِيكُم مِّمَّا فِي بُطُونِهِ مِن بَيْنِ فَرْثٍ وَدَمٍ لَّبَنًا خَالِصًا سَائِغًا لِّلشَّارِبِينَ
اور بلاشبہ تمھارے لیے چوپاؤں میں یقیناً بڑی عبرت ہے، ہم ان چیزوں میں سے جو ان کے پیٹوں میں ہیں، گوبر اور خون کے درمیان سے تمھیں خالص دودھ پلاتے ہیں، جو پینے والوں کے لیے حلق سے آسانی سے اتر جانے والا ہے۔
خوشگوار دودھ اللہ کی عظمت کاگواہ ہے۔ اونٹ، گائے،بکری بھی اپنے خالق کی قدرت و حکمت کی نشانیاں ہیں یہ چوپائے جو کچھ کھاتے ہیں، معدے میں جاتاہے، اسی خوراک سے دودھ، خون، گوبر اور پیشاب بنتاہے۔ خون رگوں میں چلا جاتاہے۔ دودھ تھنوں میں، اسی طرح گوبر اور پیشاب اپنے اپنے مخرج میں منتقل ہو جاتا ہے۔ ان سے بچاکر دودھ تمہارے لیے نکالتاہے، نہ اس کی سفیدی میں فرق آئے نہ حلاوت میں، نہ مزے میں ۔ یہ خالص دودھ جو پینے والے کے حلق سے آسانی سے اتر جائے۔ اللہ کی خاص نعمت ہے۔