سورة الحجر - آیت 14

وَلَوْ فَتَحْنَا عَلَيْهِم بَابًا مِّنَ السَّمَاءِ فَظَلُّوا فِيهِ يَعْرُجُونَ

ترجمہ عبدالسلام بھٹوی - عبدالسلام بن محمد

اور اگر ہم ان پر آسمان سے کوئی دروازہ کھول دیں، پس وہ دن بھر اس میں چڑھتے رہیں۔

تسہیل البیان فی تفسیر القرآن - ام عمران شکیلہ بنت میاں فضل حسین

کافر ہٹ دھرم ہوتے ہیں۔ ان کی سرکشی، ہٹ دھرمی، ضد اور باطل پرستی کی کیفیت تو یہ ہے کہ بالفرض ان کے لیے آسمان کے دروازے کھول دیے جائیں اور یہ ان دروازوں سے آسمان پر آئیں جائیں، تب بھی انھیں اپنی آنکھوں پر یقین نہ آئے اور وہ رسولوں کی تصدیق نہ کریں بلکہ یہ کہیں کہ ہماری نظربندی کردی گئی ہے ۔ ہم پر جادو کردیا گیاہے، جس کی وجہ سے ہم ایسا محسوس کررہے ہیں کہ ہم آسمان پر آ جارہے ہیں، حالانکہ ایسانھیں ہے۔