سورة الحجر - آیت 3

ذَرْهُمْ يَأْكُلُوا وَيَتَمَتَّعُوا وَيُلْهِهِمُ الْأَمَلُ ۖ فَسَوْفَ يَعْلَمُونَ

ترجمہ عبدالسلام بھٹوی - عبدالسلام بن محمد

انھیں چھوڑ دے، وہ کھائیں اور فائدہ اٹھائیں اور انھیں امید غافل رکھے، پھر جلدی جان لیں گے۔

تسہیل البیان فی تفسیر القرآن - ام عمران شکیلہ بنت میاں فضل حسین

یعنی یہ کافرو مشرک اپنے کفر و شرک سے باز نہیں آ رہے تو انھیں چھوڑ دیجئے یہ دنیاوی لذتوں سے محظوظ ہو لیں اور اپنی اُمیدیں بر لائیں ۔ عنقریب انھیں اپنے کفر و شرک کاانجام معلوم ہوجائے گا۔