سورة الحجر

الر ۚ تِلْكَ آيَاتُ الْكِتَابِ وَقُرْآنٍ مُّبِينٍ

الۤرٰ۔ یہ کامل کتاب اور واضح قرآن کی آیات ہیں۔

قرآن کیاکچھ واضح کرنے والاہے۔ مطلب یہ ہے کہ یہ آیات اس قرآن کی ہیں جو اپنامدعا صاف صاف بیان کرتاہے۔ دوسرا مطلب یہ ہے کہ قرآن انسان کو تمام ترکیفیات سے آگاہ کرنے والاہے۔ اس کی پیدائش سے پہلے کے حالات بھی، پیدائش سے موت تک کی کیفیات سے بھی اور مرنے کے بعد بھی جو صورت احوال واقع ہونے والی ہے اسے کھول کھول کر بیان کرنے والاہے۔