سورة ابراھیم

وَسَكَنتُمْ فِي مَسَاكِنِ الَّذِينَ ظَلَمُوا أَنفُسَهُمْ وَتَبَيَّنَ لَكُمْ كَيْفَ فَعَلْنَا بِهِمْ وَضَرَبْنَا لَكُمُ الْأَمْثَالَ

اور تم ان لوگوں کے رہنے کی جگہوں میں آباد رہے جنھوں نے اپنی جانوں پر ظلم کیا اور تمھارے لیے خوب واضح ہوگیا کہ ہم نے ان کے ساتھ کس طرح کیا اور ہم نے تمھارے لیے کئی مثالیں بیان کیں۔

یعنی عبرت کے لیے ہم نے ان کو ان پچھلی قوموں کے واقعات بیان کردیے ہیں جن کے گھروں میں اب تم آباد ہو اور ان کے کھنڈا بھی تمہیں دعوت غور و فکر دے رہے ہیں اگر تم ان سے عبرت نہ پکڑو اور ان کے انجام سے بچنے کی کوشش نہ کرو تو تمہاری مرضی تم بھی اسی انجام کے لیے تیار رہو۔