سورة ابراھیم

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

اے ہمارے رب! مجھے بخش دے اور میرے ماں باپ کو اور ایمان والوں کو، جس دن حساب قائم ہوگا۔

حضرت ابراہیم علیہ السلام نے یہ دعا اس وقت کی جبکہ ابھی ان پر اپنے باپ کا عدو اللہ (اللہ کادشمن ) ہونا واضح نہیں ہواتھا ۔ جب یہ واضح ہوگیا کہ میرا باپ اللہ کادشمن ہے تو اس سے اظہار براءت کردیا اس لیے کہ مشرکین کے لیے دعا ئے مغفرت کرنا جائز نہیں چاہے وہ قرابت قریبہ ہی کیوں نہ رکھتے ہوں۔