سورة ابراھیم - آیت 12

وَمَا لَنَا أَلَّا نَتَوَكَّلَ عَلَى اللَّهِ وَقَدْ هَدَانَا سُبُلَنَا ۚ وَلَنَصْبِرَنَّ عَلَىٰ مَا آذَيْتُمُونَا ۚ وَعَلَى اللَّهِ فَلْيَتَوَكَّلِ الْمُتَوَكِّلُونَ

ترجمہ عبدالسلام بھٹوی - عبدالسلام بن محمد

اور ہمیں کیا ہے کہ ہم اللہ پر بھروسا نہ کریں، حالانکہ اس نے ہمیں ہمارے راستے دکھا دیے ہیں اور ہم ہر صورت اس پر صبر کریں گے جو تم ہمیں تکلیف پہنچاؤ گے اور اللہ ہی پر پس لازم ہے کہ بھروسا کرنے والے بھروسا کریں۔

تسہیل البیان فی تفسیر القرآن - ام عمران شکیلہ بنت میاں فضل حسین

مومنوں کو تو ہر کام میں اللہ ہی پر توکل کرنا ہے اور خصوصیت کے ساتھ ہمیں اللہ پر زیادہ توکل اور بھروسہ ہے۔ اس لیے بھی کہ اس نے تمام راہوں سے بہترین راہ دکھائی ۔ تم جتنا چاہے دکھ دو،ان شاء اللہ ہمارے ہاتھ سے دامن توکل چھوٹنے والانہیں۔ اللہ پر بھروسہ کرنے والوں کے لیے اللہ کافی ہے۔