سورة الرعد

الَّذِينَ آمَنُوا وَعَمِلُوا الصَّالِحَاتِ طُوبَىٰ لَهُمْ وَحُسْنُ مَآبٍ

جو لوگ ایمان لائے اور انھوں نے نیک اعمال کیے ان کے لیے خوشحالی اور اچھا ٹھکانا ہے۔

طوبیٰ سے مراد کیا ہے: طوبیٰ کے مختلف معنی بیان کیے گئے ہیں جیسے خیر، حسنیٰ، کرامت، رشک، جنت میں مخصوص مقام وغیرہ مفہوم سب کا ایک ہی ہے یعنی جنت میں اچھا مقام اور اس کی نعمتیں اور لذتیں یعنی ایسی خوشی حاصل ہونا جس سے انسان کے دل و دماغ کے علاوہ اس کے حواس بھی لطف اندوز ہوں اور جنت کی نعمتیں سب ایسی ہی ہوں گی۔ بعض مفسرین نے طوبیٰ سے مراد وہ درخت لیا ہے جس کا ذکر احادیث میں آتا ہے کہ ’’وہ جنت میں ایک درخت ہے جس کے سایہ میں ایک سوار اگر سو سال بھی چلتا رہے تو اس کا سایہ ختم نہ ہو۔‘‘ (بخاری: ۶۵۵۲)