سورة ھود - آیت 121

وَقُل لِّلَّذِينَ لَا يُؤْمِنُونَ اعْمَلُوا عَلَىٰ مَكَانَتِكُمْ إِنَّا عَامِلُونَ

اور ان لوگوں سے جو ایمان نہیں لاتے، کہہ دے تم اپنی جگہ عمل کرو، یقیناً ہم (بھی) عمل کرنے والے ہیں۔

ڈرانے دھمکانے سے ہوشیار کرنے کے لیے ان کافروں سے کہہ دو کہ اچھا تم اپنے طریقے سے نہیں ہٹتے تو نہ ہٹو ہم بھی اپنے طریقے پر کاربند ہیں۔ اور آپ پورے عزم و استقلال کے ساتھ وحی الٰہی کی پیروی کرتے جائیے۔ اللہ سب کے اعمال کو دیکھ رہا ہے۔ اور ہر ایک کو ایسے ہی انجام سے دوچار کرے گا جیسے انجام کا وہ اہل ہوگا۔