سورة البقرة

إِنَّ الَّذِينَ كَفَرُوا سَوَاءٌ عَلَيْهِمْ أَأَنذَرْتَهُمْ أَمْ لَمْ تُنذِرْهُمْ لَا يُؤْمِنُونَ

بے شک جن لوگوں نے کفر کیا، ان پر برابر ہے، خواہ تو نے انھیں ڈرایا ہو، یا انھیں نہ ڈرایا ہو، ایمان نہیں لائیں گے۔

نبی صلی اللہ علیہ وسلم کی شدید خواہش تھی کہ سب لوگ مسلمان ہوجائیں۔ اسی حساب سے آپ کوشش فرماتے تھے اللہ تعالیٰ نے فرمایاکہ ایمان ان کے نصیب میں ہی نہیں ہے یہ لوگ ابوجہل اور ابولہب وغیرہ جیسے لوگ تھے۔ جو انکار، ضد اور ہٹ دھرمی کی وجہ سے ایمان نہ لاتےتھے۔وگرنہ نبی كریم صلی اللہ علیہ وسلم كی دعوتِ ایمان كی بدولت بےشمار لوگ مسلمان ہوئے حتی كہ پورا جزیرۂ عرب اسلام كے سایہ عاطفت میں آگیا۔