سورة التوبہ - آیت 126

أَوَلَا يَرَوْنَ أَنَّهُمْ يُفْتَنُونَ فِي كُلِّ عَامٍ مَّرَّةً أَوْ مَرَّتَيْنِ ثُمَّ لَا يَتُوبُونَ وَلَا هُمْ يَذَّكَّرُونَ

ترجمہ عبدالسلام بھٹوی - عبدالسلام بن محمد

اور کیا وہ نہیں دیکھتے کہ بے شک وہ ہر سال ایک یا دو مرتبہ آزمائش میں ڈالے جاتے ہیں، پھر بھی وہ نہ توبہ کرتے ہیں اور نہ ہی وہ نصیحت پکڑتے ہیں۔

تسہیل البیان فی تفسیر القرآن - ام عمران شکیلہ بنت میاں فضل حسین

یہ منافق اتنا بھی نہیں سوچتے کہ ہر سال وہ ایک یا دو دفعہ کسی نہ کسی عذاب میں مبتلا کیے جاتے ہیں کبھی قحط سالی، کبھی جنگ، کبھی انکی سازش پکڑی جاتی ہے کبھی ان کا کوئی راز فاش ہوجاتا ہے۔ کبھی خود ہی ایسی بکواس کر بیٹھتے ہیں جن سے انھیں رسوا ہونا پڑتا ہے پھر بھی نہ انھیں اپنے گزشتہ گناہوں سے توبہ نصیب ہوتی ہے نہ آئندہ کے لیے عبرت پکڑتے ہیں اس طرح ان کے دلوں کی نجاست میں ہر آن اضافہ ہوتا رہتا ہے۔