سورة التوبہ

أَلَمْ يَعْلَمُوا أَنَّ اللَّهَ يَعْلَمُ سِرَّهُمْ وَنَجْوَاهُمْ وَأَنَّ اللَّهَ عَلَّامُ الْغُيُوبِ

کیا انھوں نے نہیں جانا کہ بے شک اللہ ان کا راز اور ان کی سرگوشی جانتا ہے اور یہ کہ بلا شک اللہ سب غیبوں کو بہت خوب جاننے والا ہے۔

منافق یہ نہیں جانتے کہ اللہ دل کے ظاہر و پوشیدہ رازوں سے واقف ہے۔ وہ پہلے سے ہی جانتا تھا کہ خالی، زبانی باتیں ہیں جب یہ مالدار ہوجائیں گے تو یہ مال میں مست ہو جائیں گے، دولت پاکر خرمستیاں ناشکری اور بُخل کرنے لگیں گے، انھیں معلوم نہیں کہ اللہ تعالیٰ حاضر و غائب، چھپے اور کھلے، ظاہر و باطن سب کا جاننے والا ہے۔