سورة البقرة

وَالَّذِينَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ وَبِالْآخِرَةِ هُمْ يُوقِنُونَ

اور وہ جو اس پر ایمان لاتے ہیں جو تیری طرف اتارا گیا اور جو تجھ سے پہلے اتارا گیا اور آخرت پر وہی یقین رکھتے ہیں۔

انبیاء پر اتاری گئی کتابوں پر ایمان لانا۔ اب صرف قرآن پر ایمان لانا ہے ۔ ایمان بالغیب اتنا اہم جزوہے جو انسان کی زندگی بدل کر اُسے سیدھے راستے اور تقویٰ اختیار کرنے پر مجبور کردیتا ہے اس لیے آخرت پر ایمان کا ذکر علیحدہ سے کیا گیا ہے اور یہ ایمان بالغیب کی پانچویں شرط ہے۔ اللہ تعالیٰ نے اس جہان میں کوئی چیز بھی بے مقصد پیدا نہیں کی۔ انسان بھی مرنے کے بعد دوبارہ اٹھایا جائے گا اور اپنے تمام اعمال كا اللہ کے سامنے جوابدہ ہوگا۔ جو کامیاب ہوگا جنت میں داخل ہوگا اور نافرمان ، کافر اور مشرک جہنم میں جائے گا۔