سورة الانفال

وَلَا تَكُونُوا كَالَّذِينَ قَالُوا سَمِعْنَا وَهُمْ لَا يَسْمَعُونَ

اور ان لوگوں کی طرح نہ ہوجاؤ جنھوں نے کہا ہم نے سنا، حالانکہ وہ نہیں سنتے۔

یعنی سن لینے کے باوجود عمل نہ کرنا یہ کافروں کا طریقہ ہے ۔تم اس رویے سے بچو ۔ بد ترین مخلوق کون ہیں ؟ سورۂ اعراف کی آیت نمبر ۱۷۹ میں یہ مضمون گزر چکا ہے کہ ان کے دل ہیں مگر ان سے سمجھتے نہیں، انکی آنکھیں ہیں لیکن ان سے دیکھتے نہیں، ان کے کان ہیں لیکن ان سے سنتے نہیں یہ چوپایوں کی طرح ہیں بلکہ ان سے بھی بد تر،یہ لوگ اللہ سے بے خبر ہیں۔یعنی جو شخص اللہ کے ان عطا کر دہ اعضاء سے کام نہ لے ۔تو ایسے لوگ جانوروں سے بھی بد تر ہیں ۔جنوں نے اپنی خداداد صلاحیتوں کو بر باد کردیا۔