سورة الاعراف

وَإِن تَدْعُوهُمْ إِلَى الْهُدَىٰ لَا يَسْمَعُوا ۖ وَتَرَاهُمْ يَنظُرُونَ إِلَيْكَ وَهُمْ لَا يُبْصِرُونَ

اور اگر تم انھیں سیدھے راستے کی طرف بلاؤ تو نہیں سنیں گے اور تو انھیں دیکھتا ہے کہ تیری طرف دیکھ رہے ہیں، حالانکہ وہ نہیں دیکھتے۔

مجسموں کی کیفیت: یہ بت پرست پتھر کے ان مجسموں کی آنکھیں موٹی موٹی اور کھلی ہوئی بنا تے ہیں جن سے آپ کو ایسا معلوم ہو کہ وہ آپ کو دید ے پھاڑ پھاڑ کر دیکھ رہے ہیں، حالانکہ ان میں بصارت نا م کو نہیں ہوتی ۔اس آیت کے مخاطب خود مشرکین اور منکرین بھی ہوسکتے ہیں جو ظاہر ی آنکھوں سے تو دیکھتے معلوم ہوتے ہیں لیکن دل کی آنکھوں سے کچھ نہیں دیکھتے او ر نہ اپنی بصیرت ہی سے کوئی کام لیتے ہیں۔