سورة الاعراف

إِنَّ الَّذِينَ تَدْعُونَ مِن دُونِ اللَّهِ عِبَادٌ أَمْثَالُكُمْ ۖ فَادْعُوهُمْ فَلْيَسْتَجِيبُوا لَكُمْ إِن كُنتُمْ صَادِقِينَ

بے شک جنھیں تم اللہ کے سوا پکارتے ہو وہ تمھارے جیسے بندے ہیں، پس انھیں پکارو تو لازم ہے کہ وہ تمھاری دعا قبول کریں، اگر تم سچے ہو۔

جو پکار نہ سن سکے وہ الہ نہیں، یہ دوسری قسم کے الہ ہیں یعنی وہ انبیاء اور بزرگ جو فوت ہو چکے اور انھیں حاجت روا اور مشکل کُشا سمجھ کر پکار جاتا ہے، اس لیے کہ پتھر کے بتوں کے لیے عباد کا لفظ استعمال نہیں ہوتا، اور ان فوت شدہ کے الہ ہونے کی تردید کے لیے یہ بات کافی ہے کہ جب تم انھیں پکارتے ہو تو وہ جواب نہیں دے سکتے، تو وہ تمہارے ہی جیسے ہیں تم سے کوئی بالا تر مخلوق نہیں ہیں۔