سورة الاعراف

فَلَمَّا كَشَفْنَا عَنْهُمُ الرِّجْزَ إِلَىٰ أَجَلٍ هُم بَالِغُوهُ إِذَا هُمْ يَنكُثُونَ

پھر جب ہم ان سے عذاب کو ایک وقت تک دور کردیتے، جسے وہ پہنچنے والے تھے تو اچانک وہ عہد توڑ دیتے تھے۔

یعنی جب بھی ان پر عذاب آتا اور حضرت موسیٰ علیہ السلام کی دُعا سے ٹل جاتا، تو ایمان لانے کی بجائے پھر اسی کفر و شرک پر جمے رہتے اور ان کے دماغوں میں جو تکبر تھاوہ حق کی راہ میں ان کے لیے پاؤں کی زنجیر بنا رہا۔