سورة الاعراف

فَأَخَذَتْهُمُ الرَّجْفَةُ فَأَصْبَحُوا فِي دَارِهِمْ جَاثِمِينَ

تو انھیں زلزلے نے پکڑ لیا، پھر انھوں نے اپنے گھر میں اس حال میں صبح کی کہ گرے پڑے تھے۔

اہل مدین پر عذاب قرآن کریم میں قومِ شعیب پر آنے والے تین طرح کے عذاب کا ذکر آیا ۔ (1) ظلۃ، سیا ہ بادل (2) صیحۃ، آگ کے شعلے، چنگاریاں (3) رجفۃ، دل خراش کرخت آواز۔ امام ابن کثیر رحمہ اللہ فرماتے ہیں، کہ عذاب میں ساری چیزوں کا اجتماع ہے ۔ یعنی سائے والے دن ان پر عذاب آیا، پہلے بادل نے ان پر سایہ کیا، جن میں شُعلے چنگاریاں اور آگ کے بھبھو کے تھے، پھر آسمان سے سخت چیخ آئی اور زمین سے سخت بھونچال، جس سے انکی رو حیں پرواز کر گئیں اور بے جان لاشے ہو کر پرندوں کی طرح گھٹنوں میں منہ دے کر اوند ھے کے اوند ھے پڑے رہ گئے۔