سورة الاعراف

فَتَوَلَّىٰ عَنْهُمْ وَقَالَ يَا قَوْمِ لَقَدْ أَبْلَغْتُكُمْ رِسَالَةَ رَبِّي وَنَصَحْتُ لَكُمْ وَلَٰكِن لَّا تُحِبُّونَ النَّاصِحِينَ

تو وہ ان سے واپس لوٹا اور اس نے کہا اے میری قوم! بلاشبہ یقیناً میں نے تمھیں اپنے رب کا پیغام پہنچا دیا اور تمھاری خیرخواہی کی اور لیکن تم خیرخواہوں کو پسند نہیں کرتے۔

حضرت صالح علیہ السلام نے قوم کو عذاب سے مطلع کرتے ہوئے فرمایا کہ میں نے تمہیں اللہ کا پیغام بھی پہنچا دیا تھا اور تمہاری خیر خواہی بھی کی، لیکن تم ان باتوں کا مذاق اڑاتے رہے، نہ حق کی پیروی کی، نہ اپنے خیر خواہ کی بات مانی، اب تم جانو اور تمہارا کام، یہ کہہ کر آپ اپنے ساتھیوں کو لے کر وہاں سے نکل گئے۔