سورة الفجر

إِرَمَ ذَاتِ الْعِمَادِ

( وہ عاد) جو ارم ( قبیلہ کے لوگ) تھے، ستونوں والے۔

(٣) عاد ارم سے مراد وہ قدیم قوم عاد ہے جسے قرآن مجید نے اور تاریخ عرب میں عاد اولی کا نام دیا گیا ہے۔ سورۃ النجم میں ہے، وانہ اھلک عاد الاولی، یعنی اس نے قدیم قوم عاد کو ہلاک کیا اور یہ وہ قوم ہے جس کی طرف حضرت ہود (علیہ السلام) مبعوث ہوئے تھے اور ان کو عاد ارم اس لیے کہا گیا کہ یہ لوگ سامی نسلی کی اس شاخ سے تعلق رکھتے تھے جو ارم بن سام بن نوح سے چلی آتی تھی۔