سورة الزمر - آیت 4

لَّوْ أَرَادَ اللَّهُ أَن يَتَّخِذَ وَلَدًا لَّاصْطَفَىٰ مِمَّا يَخْلُقُ مَا يَشَاءُ ۚ سُبْحَانَهُ ۖ هُوَ اللَّهُ الْوَاحِدُ الْقَهَّارُ

ترجمہ عبدالسلام بھٹوی - عبدالسلام بن محمد

اگر اللہ چاہتا کہ (کسی کو) اولاد بنائے تو ان میں سے جنھیں وہ پیدا کرتا ہے جسے چاہتا ضرور چن لیتا، وہ پاک ہے۔ وہ تو اللہ ہے، جو اکیلا ہے، بہت غلبے والا ہے۔

تفسیر ترجمان القرآن - مولانا ابوالکلام آزاد

(٤) پھر کچھ مشرک ایسے تھے جو اللہ کی طرف اولاد کی نسبت کرتے تھے فرشتوں کو اللہ کی بیٹیاں قرار دیتے۔ بعض انباء (عیسی، عزیر علیہما السلام) کوابن اللہ کہتے، یہاں پر اسی عقیدہ کی تردید ہے۔