سورة الصافات

لَا فِيهَا غَوْلٌ وَلَا هُمْ عَنْهَا يُنزَفُونَ

نہ اس میں کوئی درد سر ہوگا اور نہ وہ اس سے مدہوش کیے جائیں گے۔

(٧) اب یہاں سے اہل جنت کا منظر پیش کیا جارہا ہے جنت کی نعمتوں میں خصوصیت کے ساتھ شراب کا ذکر کیا ہے جوہر قسم کی جسمانی اور روحانی ضرررسانی سے پاک ہوگی اور اہل جنت سرور حاصل کرنے لیے اس کے جام پئیں گے اور اس کے بعد دوزخ اور دوزخیوں کے عذاب کا ذکر ہے دوزخ میں جانے کی سب سے بڑی وجہ جو بیان کی گئی ہے کہ ہم نے ان میں منذر (ڈرانے والے) بھیجے لیکن وہ اپنے باپ دادا کی روش پر چلتے رہے۔