سورة سبأ - آیت 22

قُلِ ادْعُوا الَّذِينَ زَعَمْتُم مِّن دُونِ اللَّهِ ۖ لَا يَمْلِكُونَ مِثْقَالَ ذَرَّةٍ فِي السَّمَاوَاتِ وَلَا فِي الْأَرْضِ وَمَا لَهُمْ فِيهِمَا مِن شِرْكٍ وَمَا لَهُ مِنْهُم مِّن ظَهِيرٍ

کہہ دے پکارو ان کو جنھیں تم نے اللہ کے سوا گمان کر رکھا ہے، وہ نہ آسمانوں میں ذرہ برابر کے مالک ہیں اور نہ زمین میں اور نہ ان کا ان دونوں میں کوئی حصہ ہے اور نہ ان میں سے کوئی اس کا مددگار ہے۔

(٨) گزشتہ دورکوع میں آخرت کے متعلق بحث تھی اب آیت ٢٢ سے تردید شرک کاموضوع شروع ہورہا ہے اس کے بعد آیت ٢٨ میں نبی (صلی اللہ علیہ وآلہ وسلم) کی نبوت کے عالمگیر ہونے کا اعلان فرمایا ہے۔