سورة النور - آیت 44

يُقَلِّبُ اللَّهُ اللَّيْلَ وَالنَّهَارَ ۚ إِنَّ فِي ذَٰلِكَ لَعِبْرَةً لِّأُولِي الْأَبْصَارِ

ترجمہ عبدالسلام بھٹوی - عبدالسلام بن محمد

اللہ رات اور دن کو ادل بدل کرتا ہے، بے شک اس میں آنکھوں والوں کے لیے یقیناً بڑی عبرت ہے۔

تفسیر ترجمان القرآن - مولانا ابوالکلام آزاد

(٣٤)۔ ان لوگوں کو جن کے دل کی آنکھیں اندھی ہوچکی ہیں نشانات قدرت کا مطاعلہ کرنا چاہیے تاکہ اللہ تعالیٰ کے نور کی روشنی سے مستفید ہوسکیں اور ان روشن دلائل کے ذریعہ سے ہدایت ورہنمائی حاصل کرکے صراط مستقیم پر چل سکیں۔