سورة النحل - آیت 108

أُولَٰئِكَ الَّذِينَ طَبَعَ اللَّهُ عَلَىٰ قُلُوبِهِمْ وَسَمْعِهِمْ وَأَبْصَارِهِمْ ۖ وَأُولَٰئِكَ هُمُ الْغَافِلُونَ

ترجمہ عبدالسلام بھٹوی - عبدالسلام بن محمد

یہ وہی لوگ ہیں جن کے دلوں اور ان کے کانوں اور ان کی آنکھوں پر اللہ نے مہر لگادی ہے اور یہی لوگ ہیں جو بالکل غافل ہیں۔

تفسیرسراج البیان - محممد حنیف ندوی

(ف2) اس آیت میں واضح طور پر بیان فرمایا دیا ہے ، کہ کن لوگوں کے دل پر مہریں لگی ہیں کون محروم ہیں جن پر وعظ ونصیحت کا اثر نہیں ہوتا ۔ ارشاد ہے کہ وہ لوگ جنہوں نے عمدا دنیا کو دین پر ترجیح دی ، جنہوں نے جان بوجھ کر کفر کو قبول کیا ، اور جو دین کے معارف سے آگاہ نہیں ، تفصیل کے لئے دیکھو پہلے پارہ کی ابتدائی آیات جن میں ﴿خَتَمَ اللَّهُ عَلَى قُلُوبِهِمْ﴾ پر بحث کی گئی ہے ۔ حل لغات : قُلُوبِهِمْ وَسَمْعِهِمْ وَأَبْصَارِهِمْ: یعنی بدلنے والے دل میں تبدیلی کی استعداد نہیں رہی دیکھنے والی آنکھ بصیرت والی نہیں ۔