سورة المدثر - آیت 56

وَمَا يَذْكُرُونَ إِلَّا أَن يَشَاءَ اللَّهُ ۚ هُوَ أَهْلُ التَّقْوَىٰ وَأَهْلُ الْمَغْفِرَةِ

ترجمہ عبدالسلام بھٹوی - عبدالسلام بن محمد

اور وہ نصیحت حاصل نہیں کریں گے مگر یہ کہ اللہ چاہے، وہی لائق ہے کہ (اس سے) ڈرا جائے اور لائق ہے کہ بخش دے۔

تفسیر ثنائی - ثنا اللہ امرتسری

مگر بات یہ ہے کہ یہ لوگ مشیت اور حکم الٰہی کے بغیر نصیحت نہیں پا سکتے جو طریق ہدایت کار اس نے مقرر کیا ہوا ہے اسی طریق سے ہدایت ملے گی اس پر چلنے والوں کو وہ توفیق دیتا ہے اور جو اس راہ سے ہٹ جائیں انہیں بدنصیب کردیتا ہے وہ اس لائق ہے کہ اس سے ڈرا جائے اور وہ اس لائق ہے کہ ڈرنے والوں کو بخشے۔ اللھم اٰتِ نَفْسِی تقوٰھا وزکھا انت خیر مَنْ زکھا انت ولیھا ومولٰھا