سورة الصف - آیت 13

وَأُخْرَىٰ تُحِبُّونَهَا ۖ نَصْرٌ مِّنَ اللَّهِ وَفَتْحٌ قَرِيبٌ ۗ وَبَشِّرِ الْمُؤْمِنِينَ

اور ایک اور چیز جسے تم پسند کرتے ہو اللہ کی طرف سے مدد اور قریب فتح ہے اور ایمان والوں کو خوشخبری سنا دے۔

یہ تو ان نعمتوں کا ذکر ہے جو تم کو آخرت میں ملیں گی چونکہ اسلام تم کو آخرت کے علاوہ دنیا میں بھی ہر قسم کی عزت دلانے کا وعدہ کرتا ہے اس لئے وہ دنیا میں بھی تم کو عزت دے گا یعنی تمہارا نام روشن کرے گا اور ایک ایسی چیز دے گا کہ تم اس کو پسند کرتے ہو وہ مدد الٰہی اور فتح قریب ہے عنقریب دیکھ لو گے کہ تمہاری فتوحات کا سلسلہ کہاں تک پہنچتا ہے یہ ہے وہ وعدہ الٰہی جو ہم نے کیا ہے کہ سب ادیان پر اللہ تم کو غلبہ دے گا پس تو اے نبی یہ اعلان کھلے الفاظ میں لوگوں کو سنا دے اور ایمانداروں کو ان دونوں وعدوں کی خوشخبری سنادے کہ ضرور ایسا ہو کر رہے گا۔