الَّذِينَ يُظَاهِرُونَ مِنكُم مِّن نِّسَائِهِم مَّا هُنَّ أُمَّهَاتِهِمْ ۖ إِنْ أُمَّهَاتُهُمْ إِلَّا اللَّائِي وَلَدْنَهُمْ ۚ وَإِنَّهُمْ لَيَقُولُونَ مُنكَرًا مِّنَ الْقَوْلِ وَزُورًا ۚ وَإِنَّ اللَّهَ لَعَفُوٌّ غَفُورٌ
وہ لوگ جو تم میں سے اپنی بیویوں سے ظہار کرتے ہیں وہ ان کی مائیں نہیں ہیں، ان کی مائیں ان کے سوا کوئی نہیں جنھوں نے انھیں جنم دیا اور بلاشبہ وہ یقیناً ایک بری بات اور جھوٹ کہتے ہیں اور بلاشبہ اللہ یقیناً بے حد معاف کرنے والا، نہایت بخشنے والا ہے۔
پس اب قانون سنو ! جو لوگ اپنی بیویوں سے ظہار کرتے ہیں یعنی ان کو ماں کی پیٹھ کی طرح کہتے ہیں حقیقت میں وہ ان کی مائیں نہیں۔ حقیقیت تو یہ ہے کہ ان کی مائیں وہی ہیں جنہوں نے ان کو جنا ہے۔ اور اس میں تو شک نہیں کہ ان بیویوں نے ان کو نہیں جنا اس لئے ان کا ایسا کہناغلط ہے اور وہ بہت مکروہ لفظ بلکہ جھوٹ کہتے ہیں۔ اور اللہ بڑا معاف کرنے والا بخشنے والا ہے۔