سورة الضحى

وَوَجَدَكَ عَائِلًا فَأَغْنَىٰ

اور اس نے تجھے تنگدست پایا تو غنی کردیا۔

﴿وَوَجَدَکَ عَایِٕلًا﴾ یعنی آپ کو محتاج پایا ﴿ فَاَغْنٰی﴾ پس اللہ تعالیٰ نے آپ کو شہروں کی فتوحات کے ذریعے سے ،جہاں سے آپ کے لیے مال اور خراج آیا ،غنی کردیا۔ جس ہستی نے آپ کی یہ کمی دور کی ہے وہ عنقریب آپ کی ہر کمی کو دور کردے گی اور وہ ہستی جس نے آپ کو تونگری تک پہنچایا ،آپ کو پناہ دی ، آپ کو نصرت عطا کی اور آپ کو راہ راست سے نوازا ، اس کی نعمت پر شکر ادا کیجئے۔