سورة النبأ

وَجَعَلْنَا نَوْمَكُمْ سُبَاتًا

اور ہم نے تمھاری نیند کو ( باعث) آرام بنایا۔

﴿وَّجَعَلْنَا نَوْمَکُمْ سُبَاتًا﴾ یعنی تمہاری نیند کو تمہاری راحت اور تمہارے اشغال کو منقطع کرنے والی بنایا جو اگر بڑھ جائیں تو تمہارے ابدان کو ضرر پہنچاتے ہیں۔ پس اللہ تعالیٰ نے رات کو یہ خاصیت بنائی کہ وہ لوگوں کو ڈھانپ لیتی ہے تاکہ ان کی ضرر رساں حرکات ٹھہر جائیں اور انہیں نفع مند راحت حاصل ہو۔