سورة المعارج - آیت 21

وَإِذَا مَسَّهُ الْخَيْرُ مَنُوعًا

ترجمہ عبدالسلام بھٹوی - عبدالسلام بن محمد

اور جب اسے بھلائی ملتی ہے تو بہت روکنے والا ہے۔

تفسیر السعدی - عبدالرحمٰن بن ناصر السعدی

﴿وَإِذَا مَسَّهُ الْخَيْرُ مَنُوعًا﴾”اور جب اسے آسائش پہنچتی ہے تو بخیل بن جاتا ہے ۔“ پس اللہ ٰ تعالیٰ نے جو کچھ اسے عطا کیا ہے اس میں سے اللہ تعالیٰ کے راستے میں خرچ نہیں کرتا ، اللہ تعالیٰ کی نعمتوں اور اس کے احسان پر اس کاشکر ادا نہیں کر تا ۔ پس وہ مصیبت اور سختی کے وقت بے صبری کرتا ہے اور فراخی اور خوشحالی کے وقت مال کو اللہ کے راستے میں خرچ کرنے سے روکتا ہے۔