سورة القلم - آیت 10

وَلَا تُطِعْ كُلَّ حَلَّافٍ مَّهِينٍ

ترجمہ عبدالسلام بھٹوی - عبدالسلام بن محمد

اور تو کسی بہت قسمیں کھانے والے ذلیل کا کہنا مت مان۔

تفسیر السعدی - عبدالرحمٰن بن ناصر السعدی

﴿وَلَا تُطِعْ كُلَّ حَلَّافٍ ﴾ ” اور کسی ایسے شخص کی بات نہ ماننا جو بہت قسمیں کھانے والا ہو۔“ کیونکہ اتنی زیادہ قسمیں کھانے والا جھوٹا ہی ہوسکتا ہے، اور آدمی جھوٹا نہیں ہوسکتا جب تک وہ ﴿ مَّهِينٍ ﴾ خسیس النفس اور دانائی سے تہی دست نہ ہو اور اسے بھلائی میں کوئی رغبت نہ ہو بلکہ اس کا ارادہ اس کے خسیس نفس کی شہوات پر مرتکز ہو۔