سورة الحديد

لَهُ مُلْكُ السَّمَاوَاتِ وَالْأَرْضِ ۖ يُحْيِي وَيُمِيتُ ۖ وَهُوَ عَلَىٰ كُلِّ شَيْءٍ قَدِيرٌ

اسی کے لیے آسمانوں اور زمین کی بادشاہی ہے، وہ زندگی بخشتا اور موت دیتا ہے اور وہ ہر چیز پر پوری طرح قادر ہے۔

پھر اللہ تعالیٰ نے لا محدود اقتدار کے بارے میں آگاہ کرتے ہوئے فرمایا : ﴿ لَہٗ مُلْکُ السَّمٰوٰتِ وَالْاَرْضِ ۚ یُـحْیٖ وَیُمِیْتُ ﴾’’آسمانوں اور زمین کی بادشاہت اسی کی ہے، وہی زندگی دیتا ہے اور موت بھی۔ ‘‘یعنی اللہ تبارک و تعالیٰ تمام مخلوقات کا خالق، رازق اور اپنی قدرت کے ساتھ ان کی تدبیر کرنے والا ہے۔﴿ وَہُوَ عَلٰی کُلِّ شَیْءٍ قَدِیْرٌ ﴾’’اور وہ ہر چیز پر کامل قدرت رکھنے والا ہے۔‘‘