سورة الرحمن - آیت 6

وَالنَّجْمُ وَالشَّجَرُ يَسْجُدَانِ

ترجمہ عبدالسلام بھٹوی - عبدالسلام بن محمد

اور بے تنے کے پودے اور درخت سجدہ کررہے ہیں۔

تفسیر السعدی - عبدالرحمٰن بن ناصر السعدی

﴿وَّالنَّجْمُ وَالشَّجَرُ یَسْجُدٰنِ﴾ آسمان کے ستارے اور زمین کے درخت سب اپنے رب کو پہچانتے ہیں، اس کو سجدہ کرتے ہیں، اس کی اطاعت کرتے ہیں، اس کے سامنے سرنگوں ہوتے ہیں اور اس کے احکام کی تعمیل کرتے ہیں۔ اللہ نے اپنے بندوں کے مصالح اور منافع کے لیے ان کو مسخر کررکھا ہے۔