سورة القمر

إِنَّ الْمُجْرِمِينَ فِي ضَلَالٍ وَسُعُرٍ

یقیناً مجرم لوگ بڑی گمراہی اور دیوانگی میں ہیں۔

﴿اِنَّ الْمُجْرِمِیْنَ﴾ یعنی وہ لوگ جنہوں نے نہایت کثرت سے جرائم کا ارتکاب کیا۔ اس سے مراد بڑے بڑے گناہ، یعنی شرک اور معاصی وغیرہ ہیں۔ ﴿فِیْ ضَلٰلٍ وَّسُعُرٍ﴾ ’’وہ گمراہی اور دیوانگی میں پڑے ہیں۔‘‘ یعنی وہ دنیا میں گمراہ تھے، وہ علم کی گمراہی اور عمل کی گمراہی میں مبتلا تھے۔ وہ قیامت کے روز دردناک عذاب میں مبتلا ہوں گے، ان پر آگ بھڑکائی جائے گی، آگ ان کے جسموں میں شعلہ زن ہوگی یہاں تک کہ ان کے دلوں تک پہنچ جائے گی۔