سورة الزخرف - آیت 8

فَأَهْلَكْنَا أَشَدَّ مِنْهُم بَطْشًا وَمَضَىٰ مَثَلُ الْأَوَّلِينَ

ترجمہ عبدالسلام بھٹوی - عبدالسلام بن محمد

تو ہم نے ان سے زیادہ سخت پکڑ والوں کو ہلاک کردیا اور پہلے لوگوں کی مثال گزر چکی۔

تفسیر السعدی - عبدالرحمٰن بن ناصر السعدی

﴿ فَأَهْلَكْنَا أَشَدَّ ﴾ ” پس ہم نے انہیں ہلاک کیا جو سخت تھے۔“ ان لوگوں سے ﴿ بَطْشًا ﴾ ” قوت میں۔“ یعنی زمین کے اندر قوت، افعال اور آثار کے لحاظ سے ﴿ وَمَضَىٰ مَثَلُ الْأَوَّلِينَ ﴾ یعنی ان لوگوں کی امثال وخبار گزر چکی ہیں اور ان میں سے بہت سی مثالیں ہم تمہارے سامنے بیان کرچکے ہیں جن میں سامان عبرت اور تکذیب پر زجر و توبیخ ہے۔