سورة الصافات

وَإِذَا ذُكِّرُوا لَا يَذْكُرُونَ

اور جب انھیں نصیحت کی جائے وہ قبول نہیں کرتے۔

﴿وَ﴾” اور“ یہ بھی انتہائی تعجب خیز بات ہے کہ ﴿إِذَا ذُكِّرُوا﴾ ” جب انہیں (اس چیز) کی یاددہانی کرائی جاتی ہ‘‘ جسے وہ اپنی عقل و فطرت میں پہچانتے ہیں اور ان کی توجہ اس طرف مبذول کرائی جاتی ہے ﴿ لَا يَذْكُرُونَ﴾ ” تو وہ توجہ نہیں کرتے۔“ اگر یہ جہالت ہے تو یہ ان کی کند ذہنی کی سب سے بڑی دلیل ہے کیونکہ ان کو ایک ایسی چیز کی یاد دہانی کرائی گئی ہے۔ جو ان کی فطرت میں راسخ ہے اور عقل اسے جانتی ہے اور اس میں کوئی اشکال نہیں اور اگر یہ تجاہل اور عناد کی بنا پر ہے تو یہ عجیب تر ہے۔