سورة القصص

تِلْكَ آيَاتُ الْكِتَابِ الْمُبِينِ

یہ واضح کتاب کی آیات ہیں۔

﴿ تِلْكَ﴾ یہ آیات جو تعظیم و توقیر کی مستحق ہیں۔ ﴿ آيَاتُ الْكِتَابِ الْمُبِينِ﴾ کتاب مبین کی آیات ہیں ہر اس معاملے کو کھول کھول کر بیان کرتی ہیں جن کے بندے حاجت مند ہیں، مثلاً رب تعالیٰ کی معرفت، اس کے حقوق کی معرفت، اس کے اولیاء و اعداء کی معرفت، اس کے ایام و وقائع کی معرفت، اعمال کے ثواب اور عمل کرنے والوں کی جزا کی معرفت۔ قرآن مجید نے ان تمام امور کو کھول کھول کر بیان کرکے بندوں کے سامنے پوری طرح واضح کردیا۔