سورة النمل

وَلُوطًا إِذْ قَالَ لِقَوْمِهِ أَتَأْتُونَ الْفَاحِشَةَ وَأَنتُمْ تُبْصِرُونَ

اور لوط کو جب اس نے اپنی قوم سے کہا کیا تم بے حیائی کو آتے ہو، جب کہ تم دیکھتے ہو۔

ہمارے بندے اور رسول لوط(علیہ السلام) کا ذکر کیجیے اور ان کے فضیلت والے واقعات کی خبر دیجیے جب انہوں نے اپنی قوم کو اللہ تعالیٰ کی طرف بلاتے اور ان کی خیر خواہی کرتے ہوئے فرمایا : ﴿ أَتَأْتُونَ الْفَاحِشَةَ ﴾ ” کیا تم بے حیائی کرتے ہو؟“ یعنی تم ایک ایسا گندا کام کرتے ہو جسے عقل و فطرت انتہائی فحش اور شریعت قبیح گردانتی ہے ﴿وَأَنتُمْ تُبْصِرُونَ﴾ ” اور تم دیکھتے ہو“