سورة الشعراء

وَإِنَّهُ لَفِي زُبُرِ الْأَوَّلِينَ

اور بے شک یہ یقیناً پہلے لوگوں کی کتابوں میں موجود ہے۔

﴿ وَإِنَّهُ لَفِي زُبُرِ الْأَوَّلِينَ ﴾ ” اور اس کی خبر پہلی کتابوں میں ہے۔“ یعنی پہلی کتابوں میں اس کی خوشخبری دی گئی ہے اور پہلی کتابوں نے اس کی تصدیق کی ہے۔ چونکہ ان کتابوں نے اس کے بارے میں جو خبر دی تھی یہ اس کے مطابق نازل ہوئی ہے اس لئے یہ ان کی تصدیق ہے۔ بلکہ یہ کتاب حق کے ساتھ آئی ہے اور تمام رسولوں کی تصدیق کرتی ہے۔