سورة الشعراء

إِنِّي لَكُمْ رَسُولٌ أَمِينٌ

بے شک میں تمھارے لیے ایک امانتدار رسول ہوں۔

﴿إِنِّي لَكُمْ رَسُولٌ ﴾ ” بے شک میں تمہارے رب کی طرف سے رسول ہوں‘‘ اللہ تعالیٰ نے اپنے لطف و کرم اور رحمت کی بنا پر مجھے تمہاری طرف بھیجا ہے پس اللہ تعالیٰ کی رحمت کو قبول کرو اور فروتنی اور اطاعت کے ساتھ اس کا استقبال کرو۔ ﴿ أَمِينٌ ﴾ تم میری امانت و دیانت کو خوب جانتے ہو اور یہ چیز اس امر کی متقاضی ہے کہ تم مجھ پر اور میری دعوت پر ایمان لاؤ۔