سورة طه - آیت 26

وَيَسِّرْ لِي أَمْرِي

ترجمہ عبدالسلام بھٹوی - عبدالسلام بن محمد

اور میرے لیے میرا کام آسان کر دے۔

تفسیر السعدی - عبدالرحمٰن بن ناصر السعدی

﴿وَيَسِّرْ لِي أَمْرِي﴾ یعنی میرے لئے میرا ہر معاملہ اور اپنے راستے میں میری ہر منزل کو آسان کر دے، میرے سامنے جو مشکلات اور سختیاں ہیں ان کو نرم کر دے۔ معاملے کو آسان کرنا یہ ہے کہ داعی نہایت آسانی کے ساتھ تمام معاملات کو ان کے اپنے اپنے دائرے میں نمٹا سکے۔ ہر شخص سے اس کے مزاج کی مناسبت سے مخاطب ہو اور اسے اس طریقے سے دعوت دے جو قبول حق کے قریب تر ہو۔