سورة ابراھیم - آیت 16

مِّن وَرَائِهِ جَهَنَّمُ وَيُسْقَىٰ مِن مَّاءٍ صَدِيدٍ

ترجمہ عبدالسلام بھٹوی - عبدالسلام بن محمد

اس کے پیچھے جہنم ہے اور اسے اس پانی سے پلایا جائے گا جو پیپ ہے۔

تفسیر السعدی - عبدالرحمٰن بن ناصر السعدی

﴿مِّن وَرَائِهِ جَهَنَّمُ﴾ ” اس کے پیچھے دوزخ ہے“ یعنی جہنم اس معاند حق، جابر شخص کی گھات میں ہے وہ ضرور اس جہنم میں وارد ہوگا، تب اسے سخت عذاب کا مزاچکھایا جائے گا۔ ﴿وَيُسْقَىٰ مِن مَّاءٍ صَدِيدٍ﴾ ” اور اسے پیپ کا پانی پلایا جائے گا“ جو اپنے رنگ، ذائقے اور بدبو میں خون اور پیپ جیسا ہوگا اور وہ انتہائی گرم ہوگا۔